TEGES ARTIKEL RING BASA BALI

 Teges miwah Ceciren Artikel

Panglimbak Basa Bali rahinané mangkin sampun sayan-sayan becik. Basa Bali nénten ja wantah dados basa komunikasi verbal kémanten, nanging mangkin sampun dados basa sasuratan ring sajroning wawidangan jurnalistik utawi karya tulis ilmiah. Silih tunggil wentuk karya tulis ilmiah punika marupa artikel. Ring koran, sampun akéh mangkin artikel- artikel mabasa Bali sané kawedar nyabran minggu. Kahanané puniki sané ngawinang kawéntenan Basa Bali sayan-sayan nglimbak. Nénten ja sakadi baos para janané sané dumun maosang Basa Bali pacang padem ring warsa 2020. Kawéntenan artikel mabasa Bali puniki pinaka silih tungggil cecirén Basa Bali sampun prasida ngiring ring panglimbak aab jagat sané kabaos globalisasi.

Artikel inggih punika sasuratan sané madaging pamineh (opini) sang sané nyurat indik pikobet utawi wicara sané dados pabligbagan ring masyarakat. Artikel matetujon nyiarang, mligbagang, miwah pinaka panglila cita sang sané ngwacén (Sumandiria, 2004:1). Artikel punika katah maosang indik sahananing sane wénten ring sajroning pagubugan sang sané nyurat. Punika mawinan, napi sané kabaosang pastika sampun indik wicara utawi pabligbagan sané kantun akeh kabligbagang (up to date).

Manut Mulyono (2012: 35) artikel punika wantah sasuratan sané manut kadi kahanan miwah kawéntenan data ring masyarakat (factual). Sasuratan artikel puniki madaging tata titi utawi pamargi sané prasIda muputang wicara utawi pikobet sané dados unteng babasosan ring artikel punika. Nike mawinan, sang sané nyurat artikel sepatut nyané para jana sané uning indik wicara utawi pikobet sané kasurat utawi katah kebaos ahli.

 

  Artikel Manut Sane Nyurat miwah Kawigunannyane

Artikel manut sané nyurat miwah kawigunan kakaepah dados tiga, inggih punika artikel redaksi, artikel umum, miwah artikel sponsor. Ring sor puniki pacang katlatarang saka siki.

1)        Artikel rédaksi punika artikel sané kasurat olih redaksi utawi pangremba rubrik, koran, pangremba halaman blog, utawi kolom ring majalah. Ring sor puniki conto artikel sané kaambil saking halaman blog: https://imadesudiana.wordpress.com/category/artikel-berbahasa-Bali/. Artikel puniki kasurat olih pangremba Blog punika, indik kawéntenan kruna Soma ring sajroning kalénder Bali.

2)        Artikel Umum inggih punika artikel sané kasurat olih para janané sané kasobiahang ring rubrik, koran, utawi kolom ring majalah. Ring sor puniki conto artikel mabasa Bali sané kaambil saking rubrik Bali Orti Koran Bali Post.

3)        Artikel Sponsor inggih punika artikel sané kasurat pinaka jalaran nyobiahang napisané jagi kaadol utawi katah kabaos artikel promosi. Artikel puniki katahan nénten ja panjangpisan, nanging napi sané jagi kawedar (promosiang) prasIda karesepang olih anak

Ring sajeroning makarya artikel patut pisan nguratiang tata basa sané jagi kaanggén. Yening jagi makarya artikel sané dagingnyané indik penelitian sapatut nyané nganggén basa ilmiah. yéning jagi nyurat artikel sané daging nyané nénten ilmiah, patut taler nganggén basa sané katah kauningin para krama Baliné, utawi nénten nganggén basa-basa sané ilmiah. Artikel ilmiah punika mapaiketan ring penelitian.

   Ngwacen Artikel

Ritatkala ngwacen artikel ring ajeng, napike alit-alite mikolihang pikobet ngresepang daging sesuratane punika? Manawi alit-alite meled prasida ngwacen becat, nanging kantun ngresep ? Yening pasaurnyane “inggih”, patutnyane alit-alite malajahin indik paragraf induktif miwah deduktif.

Sakadi sane sampun kauningin, paragraf kasusun antuk makudang-kudang lengkara. Lengkara punika prasida kepah dados lengkara pokok (lengkara utama) lan lengkara penjelas (panyinah). Lengkara pokok inggih punika lengkara sane kalimbakang sajeroning paragraf. Wenten lengkara panyinah inggih punika lengkara sane nyihnayang lengkara pokok.

1)   Pagraf Deduktif

Paragraf deduktif inggih punika paragraf sane lengkara pokoknyane magenah ring arep paragraf. Upaminyane :

 

 

 

 

 

 

 

 

 

 

 

 

 

 

 

 

 

 

 

2)   Paragraf Induktif

Paragraf induktif inggih punika paragraf sane lengkara pokoknyane magenah ring panguntat paragraf.

 

 

 

 

 

 

 

 

 

 

Mangda dangan mingetin lengkara pokok utawi bantang manah sajeroning paragraf, wenten makudang-kudang runtutan pamargi sane patut kalaksanayang. Ring sor puniki pinaka runtutan (langkah-langkah) ritatkala mingetin lengkara pokok inggih punika :

ü Pamargi kapertama, wacen lengkara ring pangawit paragraf lan lengkara ring panguntat paragraf. Pamargi punika kaanggen ngamolihang lengkara pokok ring paragraf deduktif, induktif, utawi kombinatif.

ü Pamargi kaping kalih, yening antuk pamargine punika pamilet PPG nenten nemuang lengkara pokok, indayang wacen makasami lengkara sane ngwangun paragraf punika! Pamargi puniki kawigunayang anggen ngamolihang bantang manah sajeroning paragraf tan palengkara topik.