ANALISIS UNSUR SATUA I BELOG NGANTEN AJAK BANGKE

Manut satua I Belog ring sor, prasida ka analisis pidaging unsur interinsiknyane  inggih punika :

A.  Tema/Unteng satua

Unteng  satua I Belog inggih punika“Saking Katambetane Ngawinang Kaon Ngamargiang Swadarma “

B.  Amanat/Pebesen

Amanat yang dapat disampaikan kepada pembaca dari satua I Belog adalah “ Kaweruhan punika mautama pesan lan punika patut incepang angge dasar ngamargiang swadarmaning urip mangdane nenten kaon utawi iwang ring sajeroning napenin kapatutanne sane sujati saha mangda nenten prasida ka uluk-uluk lan mikolihang pikolih kaon ring dewek utawi anak tiosan.  ”

C.  Alur

 pamargin carita saking pangawit carita nyantos wenten wicara wicara utawi konflik, sane kajangkepin antuk paguntat carita inggih punika kawastanin Alur carita/Plot. Aedan pamargin alur dados kakepah kalih paletan,luirnyane:

Paletan Alur , sane dagignyane:

(a)    Paletan pamungkah (tahapan perkenalan)

(b)   Paletan medalnyane wicara (peningkatan konflik)

(c)    Paletan nincapnyane wicara (tahapan peningkatan konflik)

(d)   Paletan klimaks (tahapan puncak klimaks)

(e)   Paletan panyineb (tahapan penyelesaian)

 

Sorohan Alur kakepah dados tigang soroh , luire:

(a)    Alur maju, wantah pamargin carita sane kakawitin aking pngawit pamungkah  (paletan perkenalan), medalnyane wicara(pemunculan konfliks), nincapnyane wicara(peningkatan konflik), wicara(konflik), miwah kauntatang antuk paletan panguntat wicara(tahapan penyelesaian).

(b)   Alur mundur, inggih punika pamargin carita utawi palet-paletan carita antuk ngutamayang  paletan pamargin pamuput konflik, katinutin sareng paletan-paletan sane tiosan sane nyaritanyang indik pamargin-pamargin sane sampun mamargi sane ngamarginin riinan saking paletan pamargi pamuput konflik.

(c)    Alur gabungan, inggih punika tata  cara aedan ngenahang carita sane kakawitin saking wicara, salanturnyane kalanturang antuk paletan pamungkah(tahapan perkenlan) tur kauntatin antuk amargi pamuput wicara(penyelesaian konfliks).

 

Alur atau Plot saking satua I Belog inggih punika “Alur maju”.

D.  Perwatakan/Penokohan

Ring satua I Belog, metode sane kaange olih pangawi ring sajeroning ngeriptayang gegambaran watak tokoh inggih punika metode “Campuran”, inggih punika gabungan analitik lan dramatik.

·         I Belog madue watak “tambet sane kalintang”, puniki kasinahang ring lengkara :

“Mara  ia teked di tengah semane nget nepukin bangken anak luh keliwat jegeg pesan. I Belog lantas ngomong, “luh, luh, nyak mekurenan teken tiang” anake ento mendep dogen.”

(I Nengah Tinggen, 2003:10)

·         Ibu I Belog madue watak sane “lingu lan becik pisan” terhadap anaknya. Makadi  ring lengkara puniki bebaosannyane:

“Meme, yen anake mati, bengu bonne? Memene lantas mesaut, “Aa, yen anake mati bonne bengu, buina nyem awakne”

(I Nengh Tinggen, 2003:11)

 

E.   Latar/Setting

Latar/setting ring satua I Belog inggih punika ring setra /Sema (Kuburan) lan ring pondokne I Belog.

F.   Sudut Pandang

Sudut Pandang  sane munggah ring satua punika inggih punika sudut pandang orang ketiga. Artosne pangawi wenten ring jaba satua. Sang kawi punika wantah nuturang kemanten lan nenten  wenten ring satua punika.

unsur ekstrinsik sane munggah ring satua punika marupa nilai pendidikan wenten nilai "kajujuran/satya,"puniki kacingak rikala I Belog mataken sareng biangnyane ngeninin indik layon, biangnyane nampenin manut kawentenannyane. Indayang uratiang ring lengkara kutipan puniki:

“Meme, yen anake mati, bengu bonne? Memene lantas mesaut, “Aa, yen anake mati bonne bengu, buina nyem awakne”

(I Nengh Tinggen, 2003:11)

sinopsis satuannyane

Ada tuturan satua I Belog, geginanné melali tekén medaar dogen. Sedek dina anu, I Belog melali-lali ke désa len. Di mulihné iye ngentasin sema linggah pisan. Mare iye neked di tengah semane, iye nepukin bangken anak luh kaliwat jegeg pisan. I Belog lantas ngomong: "Luh-luh, nyak mekurenan ngajak icang?". Anake ento mendep dogen."Beh iye nyak tekén iraga, melahang gandong dogen ia ajak mulih". Sambilanga ngarengkeng keto, lantas bangkené ento abana ka umahne, tur celepanga kumah meten.

I Belog lantas morahan tekén méménne: "Meme, mémé, icang ngarorod, ajak anak luh jegeg pesan".

Memenné ngomong: "Anak luh dije ento?" I Belog masaut: "Di semana bakat saup mara". Memenné buin ngomong: "Men dija ia jani?" I Belog buin ngomong: "Ento apa jumah meten, me da delokina malu, krana ia nu lek".

Suud ia ngomong keto, lantas ia nyinduk nasi lakar baanga kurenanne. Mara ia neked jumahan meten, nasiné ento pejanga di samping anake luh ento sambilanga ngomong: "Luh-luh, bangun malu madaar nasi". Makelo I Belog ngantosang ditu, masih anake ento tusing nyak bangun. I Belog lantas makeneh-keneh: "Eh, jenenga ia lek mara tongosin, melahang jani kalahin". Sambilanga ngomong keto, lantas ia pesu, tur jelanané ubetanga. Krana benné jaen-jaen, lantas teka menge kumahan meten, ngamah benné ento. Pagereng pada menge jumahan meten, ngamah benné ento, ada ané ngamah jukutné muah ada ané ngekeh nasinne. Sesubanné benné telah, lantas menge pada megedi.

Nyananné I Belog teka nelokin kurenanne, dapetanga nasinné maura, tur benné sube telah. I Belog ngénggalang pesu, morahan tekén méménne. Kené omongne: "Meme, mémé, kurenan icange sube madaar, buina ia tusing demen tekén nasi, be dogen demenina". I Belog lantas nyemak be apinggan, baanga kurenanne.

Nyananné mara delokina, dapetanga bené sube telah. I Belog kendel pesan kenehne, kadena kurenanné ané nelahang. Sai-sai I Belog ngejang be, disamping anake luh ento, nanging disubanné I Belog magedi, teka menge ngamah benné ento.Kéto sai-sai kanti bangken anake luh ento berek, tur bonné bengu pesan. Makelo-kelo lantas mémén I Belog makeneh-keneh: "Nguda mantuné tusing pesu-pesu, laka delokin ja". Memenné lantas macelep mulihan, saget dapetanga ada bangke sube berek. Lantas ia pesu ngalih I Belog.

"Ih Belog nguda cai ngejang anak mati jumahan meten?"

I Belog masaut: "Nguda orahang mémé mati kurenan icange?". I Belog lantas ajaka kumahan meten tekén méménne.

"Ih Belog, ento apa sube berek, buina bengu pesan bonne".

I Belog lantas ngomong: "Meme, yen anake mati, bengu bonne?"

Memenné lantasasaut: "Aa, yen anak mati bengu bonne, buina nyem awakne".

I Belog buin ngomong:"Kenkenang ia jani?"

Memenné mesaut: "Pulang ke semer". Sambilanga méménné ngomong keto, lantas bangkené ento jemaka tur pulanga ka semere.

I Belog nengil dogen, tusing nyak nulungin méménne. Sasubanné méménné suud ngentungang bangkené ento, lantas ia mulih. Memenné tunden manjus, ento awananné bonné bengu.

I Belog lantas ngomong: "Meme, mémé, nguda bengu bone, jenenga mémé mati". Memenné masaut: "Tusing, mémé anak nu idup"

I Belog buin ngomong: "Apa tusing, mémé suba mati, bonné bengu pesan, jani mémé lakar kutang". Sambilanga ngomong keto, lantas méménné kejuk, tur kapaid, ka aba ka semer. Memenné kerik-kerik, masih tusing ringuanga, lantas kacelempungan ka semer.

Kacarita I Belog nu padidina, tusing ada anak nyakanang, ban layah basangne, lantas ia ka peken meli ubi, kasela, gatep muah ané len-lenan, ané sarwa mudah-mudah. Sasubanné betek basangne, lantas ia mulih. Jani I Belog nongos jumahné padidina, tusing ada anak ajaka ngomong. Nujuang pesan ia ngentut, tur bonné bengu.

I Belog lantas mekeneh: "Beh i dewek mati jani, tonden med idup suba mati ". Sambilanga ngomong keto, lantas ia malaib ka semer, lantas pulanga ibanne. Payu I Belog mati.