Rikala nyurat lontar, sasuratan aksara sané katuekang mangda pada miwah pateh utawi rata,
inggih punika ukiran saking soang-soang aksara madrué jarak sané rata, sané kawastanin natar.
Yéning sampun sida ngwangun aksara antuk : tetuek, ukiran, miwah natar, sané pinih utama
ngwangun aksara wantah ukiran aksara. Indik rupan ukiran aksara punika, kaepah dados kalih
soroh tatuekan, inggih punika :
a. Tebek Wayah
b. Tebek Nguda
Ukiran aksara sané kasorohang tebek wayah, pacang ngamedalang wangun ukiran aksara
sané becik tur nglangenin, sané madrué cihna sakadi :
• Tetuekan aksara sané becik, tur nglangenin inggih punika kawastanin makarat.
• Wangun aksarannyané galih, tur karupayang antuk wangun aksara sané pinih alit tur
bunder-bunder inggih punika kawastanin ngatumbah.
• Wangun, tetuek lan ukiran aksarannyané rata tur élah kauningin inggih punika
kawastanin galih.
• Wangun aksarannya ninutin rupan jit tuma, nganuwuan aksarannyané nyimbarang,
ngamenékan nyupekang inggih punika kawastanin majit tuma.
• Kapangawit wangun aksarannyané tipis lan éndép, nglantur nyimbarang inggih punika kawastanin macai.
Saking lelima punika, wénten taler cihna wangun ukiran aksarannyané sané kawastanin bandung, inggih punika pikolih sasuratannyané kirang becik. Lontar Imitasi Asapunika yéning pacang mapikayunan malajah nyurat aksara ring ental, yéning déréng wikan utawi purun nyurat ring ental,dados kaanggén kertas HVS sané karupayang manut sakadi rupan entalé, taler ukurannyané, sané kawastanin imitasi lontar. Yéning nganggé imitasi lontar punika, sané prasida kapaplajahin wantah tatiga, inggih punika ukiran, natar lan tatuek. Nanging tatuek iriki nénten nganggén pangrupak, sakéwanten dados nganggén pénsil, drawing pén, boxi, miwah sané tiosan, tatujonnyané wantah malajahang ngwangun aksara tebek wayah, mangda aksarannyané madruwé cihna makarat, natar, ngatumbah, macai, miwah majit tuma.
Sasuratan Aksara Tebek Wayah Macai
SUMBER BUKU PAKET BAHASA BALI KLS X
1 Komentar