ANALISIS SATUA I BUTA TEKEN I RUMPUH

TERIMAKASIH SUDAH MANGUNJUNGI BLOG JULDWIPAESCMART, JULDWIPAESCMART TEMPAT BERBAGI MATERI BAHASA BALI SERTA BERBAGAI INFORMASI FOREX , MODEL/STRATEGI PEMBELAJARAN, KARYA ILMIAH,TIPS, APLIKASI SERTA PENGALAMAN HIDUP PENULIS.

Analisis Satua I Buta Teken I Rumpuh

Manut   satua I Buta Teken I Rumpuh, unsur interinsik sane wenten ring satua punika :

1. Tema/Unteng bebaosan

Unteng bebaosan sane munggah ring  satua I Buta Teken I Rumpuh inggih Utsaha sang tunadaksa ngamargiang swadarmaning nyambung urip”

2. Amanat/Pebesen

Pabesen sane kaaturang ring para pawacen saking satua I Buta Teken I Rumpuh inggih punika” Sapa sira ugi mapikayun  nemu bagia mangdane yukti nue utsaha tur ulet ngamargiang swadarma”

3. Alur/Plot

Alur atau Plot  sane kaangge ring satua I Buta Teken I Rumpuh inggih punika “Alur maju”.

4. Perwatakan/Penokohan

Ring satua I Buta Teken I Rumpuh, metode sane kaangge olih sang pangawi wantah ngicenin gegambaran  prilaksana pragina inggih punika metode “Dramatik”, ring dija sang pangawi ngambarang kahanan pragina nenten langsung kadi punika.

·         I Buta nue watak “ nenten naen surud ring kayun utawi putus asa”, kadi  wenten ring wacana puniki:

“Papineh adinne kebenehang pesan teken I Buta, lantas ideh-ideh I Rumpuh gandonga kumah-umah anake ngidih-ngidih, kanti payu medaar.”

(I Nengah Tinggen 2003:1)

·         I Rumpuh Madue watak “Pradnyan lan nenten naen putus asa”, puniki prasida kacingakin ring wacana ring sor:

“Mesaut I Rumpuh, kene papineh i cange, beli tusing ningalin apan-apan, nanging kereng mejalan. Batis icange rumpuh, nanging matan icang cedang. Yen beneh munyin icang, gandong icang, icang matujuin Beli ambah-ambahan”

(I Nengah Tinggen 2003:1)

·                 Saudagar Kacang madue watak : “ mabudi Becik”, kadi kasinahang ring wacana puniki:

“Mara ia ningalin kaanan I Buta ajaka I Rumpuh buka ento, lantas metu kenehne kapiolasan lakar nuduk I Buta ajaka I Rumpuh anggona pianak.”

(I Nengah Tinggen 2003:1)

5. Latar/Setting

Seting sane wenten ring  pada satua Bali I Buta Teken I Rumpuh inggih punika ring Desa.

6. Sudut Pandang

Sudut pandang sane kaangge ring satua  I Buta Teken I Rumpuh inggih punika sudut pandang “Orang Ketiga” inggih punika sang pangawi karasa wenten ring jaba satua nuturang kawentenan pragina, nenten wenten ring satua punika.

 

Sinopsis satua

            Katuturang  ring désa ada anak tiwas panyamaan ajaka dadua. Ané kelihan buta, ané cerikan rumpuh. Krana ia tuara nyidayang nyemak gawé, jela kenken awai ia tuara madaar. Sedek dina anu ngomong I Rumpuh, “Beli, jalan ja luas ka umah-umah anaké ngidih-ngidih, tusing duga baan icang naenang basangé seduk“.

Masaut beliné, “Kenkenang Beli ngalih ambah-ambahan Beli tuara ngenot apan-apan. Jek cai masih tuara nyidayang majalan awak rumpuh“.

Masaut I Rumpuh, “Kené papineh icangé. Beli tusing ningalin apan-apan, nanging kereng majalan. Batis icangé rumpuh, nanging matan icangé cedang. Yén beneh munyin icangé, gandong icang, icang matujuin Beli ambah-ambahan”. Papineh adiné kabenehang pesan tekén I Buta, lantas ideh-ideh I Rumpuh gandonga ka umah-umah anaké ngidih-ngidih, kanti payu ia madaar.

Makejang anaké kapiolasan, kangen ningalin undikné I Buta tekén I Rumpuh. Ada maang pipis, ada maang nasi, ada maang woh-wohan, ada masih anaké maang lungsuhan panganggo.

Sedek dina anu, I Buta ajaka I Rumpuh buin luas ngidih-idih. Joh koné pajalanné ngliwat désa. Kacrita, di désané ané katuju ento, ada koné sudagar kacang tanah ané kaliwat sugih, nanging lacur tuara ngelah pianak.

Mara ia ningalin kahanan I Buta ajaka I Rumpuh buka ento, lantas metu kenehné kapiolasan lakar nuduk I Buta ajaka I Rumpuh anggona pianak. I Buta ajaka I Rumpuh kendel pesan ajaka ditu, tur ia anteng pesan nulungin melut-melut kacang tanah, ané lakar adepa tekén sudagaré ento. Ditu ia marasa bagia pesan mapan idupné suba katulungan tekén sudagaré ento.