WARIGA

 

 TERIMAKASIH SUDAH MANGUNJUNGI BLOG JULDWIPAESCMART, JULDWIPAESCMART TEMPAT BERBAGI MATERI BAHASA BALI SERTA BERBAGAI INFORMASI FOREX , MODEL/STRATEGI PEMBELAJARAN, KARYA ILMIAH,TIPS, APLIKASI SERTA PENGALAMAN HIDUP PENULIS.

“WARIGA”

 

Wariga inggih punika pangweruhan indik sistem kalénder bali, utamanyané kaanggé ngerereh raina-raiana sané  kaon utawi becik ring sajeroning ngambil pakaryan. Wariga Bali puniki ketah saking dumun kaanggé dasar utama olih krama Bali ring sajeroning nuju pamargi sané dahat mautama.

            Manut kawéntenan koleksi lontar padruwén Dinas Kebudayan Provinsi Bali, pangweruhan wariga ring Bali punika kadasarin olih; wuku, wewaran, pananggal-pangelong, sasih lan dauh.

            Wuku punika wénten kirang langkung 30 wuku inggih punika uku;Sinta, Landep, Ukir, Kulantir, Tolu, Gumbreg, Wariga, Warigadean, Julungwangi, Sungsang, Dungulan, Kuningan, Langkir, Medangsia, Pujut, Pahang, Krulut, Mrakih, Tambir, Madangkungan, Matal, Uyé, Manail, Perangbakat, Bala, Ugu, Wayang, Klawu, Dukut, Watugunung miwah ring sajeroning a wuku punika wénten pitung raina.

            Wewaran punika wénten dasa luirnyané: ékawara, dwiwara, triwara, caturwara, pancawara, sadwara, saptawara, astawara, sangawara, dasawara.

            Pananggal-pangelong inggih punika pawilangan galah manut pailehan tilem lan purnama. Kasinahang pananggal ring sampun sawusan tilem salami molas raina, yening pangelong sawusan purnama selami molas raina.

            Sasih  ring bahasa Indonesia ketah kabaos Bulan, ring Bali punika wénten kirang langkung kalih welas sasih, luirnyané; Kasa, Karo, Katiga, Kapat, Kalima, Kanem, Kapitu, Kawulu, Kasanga, Kadasa, Jyésta, Sada. Papalihan sasih nganutin  gegbogan wuku punika kamanggehang nyarengin kawéntenan pailehan wuku ping kalih kalipet ping 210 raina nyantos tegep 420 raina, miwah nyabran sasih ring Bali makéhnyané pasasur raina.  Sasih Candra nganutin pailehan purnama ngilehin bumi kirang langkuung 354/355 raina, miwah nyabran sasih makehnyané  sangalikur raina utawi tigang dasa raina. Sasih Surya nganutin pailehan bumi ngilehin surya swényané kirang langkung 365 utawi 366 raina, nyabran asasih makehnyané 30 utawi 31 raina miwah sasih kawulu swénnyané 26 raina utawi 29 raina.

Tiosan punika wénten dauh sané ngepah kawéntenan galah nganutin rotasi bumi ring sumbunnyané, sané ngawinang pagentosan galah nyabran jam.

 

Puput, Kasalin ka Basa bali olih: juldwipa

kaketus saking

https://kebudayaan.kemdikbud.go.id/bpnbbali/wariga-pengetahuan-perhitungan-waktu-tradisional-bali/