PATEMON KASUSASTRAAN I SEMESTER GENAP 2024

KASUSASTRAAN BALI

Yéning selehin daging artos parinama kasusastran wantah mawit saking kruna lingga ’sastra’. Kruna sastra pinaka wangun pasang pageh sajeroning basa Bali, polih pangater [su-] raris polih konfi ks [ka - an] dados kruna tiron ’kasusastraan’. Kruna sastra sané mateges ’ajah[1]ajahan’, ’kawruhan’, polih pangater [su-] sané mateges ‘luih’, ’becik’, miwah konfi ks [ka-an] sané nyinahang artos kawéntenan. Dadosnyané kruna ’kasusastran, mateges kawéntenan utawi kawruhan sané luih utawi becik tur mabuat. Ri sajeroning panglimbaknnyané, kasusastran Bali salian sané katami marupa kasusatran kuna, sané nganggé basa: Jawa Kuna, Kawi, Jawi Tengahan, Bali Kawi, taler wénten sané nganggé basa Melayu miwah Sasak.

Kasusastran Bali sané akéhan kasurat ring lontar taler kapiara ring makudang-kudang perpustakaan Universitas muah instansi pemerintah Bali, makadi : Gedong Kertya ring Buleleng, UPT. Lontar Unud, Univ. Dwijendra, Univ. Hindu Indonesia, Museum Bali, taler ring Dinas Kebudayan Provinsi Bali. Wéntennyané uratian sané becik punika, maawinan kasusastran Bali kantun nglimbak ngantos mangkin, napi ké kawacén, katedun, kakawi, kapireng, kabligbagang, sané makranan kantun maurip kasusastran Bali punika ring pakraman.

Indik dagingnyané, kasusastran Bali kaingkupin antuk makudang-kudang pangweruhan, sané jangkep kajangkepin duk abad ka-9 Maséhi, ngantos mangkin, minakadinyané: wéda, agama ,wariga, itihasa, babad, usada, tantri, miwah sané tiosan, tur kawéntenan kasusastran punika sampun nglintangin makudang-kudang masa, ngantos kawewehin malih embasnyané kasusastran[1]kasusastran anyar minakadi carita cutet, carita panjang, lelampahan, miwah puisi Bali anyar.

 

 

Maiketan ring punika, tetujon nyelehin kasusastran Bali kadi ring sor puniki:

·         Ngawikanin nilai-nilai budaya adiluhung sané pacang mawiguna sajeroning nglim[1]bakang budaya Baliné

·          Anggén tetimbang midabdabin budaya Baliné ngarepin aab jagat

·         Kanggén nincapang rasa bangga dados jadma Bali

·         Molihang daging-daging tattwa agama kanggén nincapang sradha bhaktiné ring Ida Hyang Widhi Wasa.

A.      Kasusastraan Bali Manut Wangunnyané

Kasusastraan Bali manut wangunnyané kepah dados kalih soroh, inggih punika:

 a. Kasusastraan Tembang miwah Puisi Kasusastraan sané ngranjing iriki wantah kasusastraan Bali sané katembangang miwah kawangun antuk uger-uger utawi pakem sané sampun katami saking nguni, sajabaning gending raré miwah puisi. Sané ngranjing ring kasusastraan tembang inggih punika:

·         Sekar Raré (gegendingan)

·         Sekar Alit (sané karaket uatawi kaiket  antuk padalingsa)

·          Sekar Madia (sané kadasarin antuk métrum)

·         Sekar Agung (sané karaket utawi kaiket antuk guru laghu)

·          Puisi Bali

b. Kasusastraan Gancaran (prosa) Kasusastraan Bali sané ngranjing iriki wantah kasusastraan sané nénten madué pakem rikala ngwacén utawi rikala nyuratnyané. Sané ngranjing ring kasusastraan puniki:

·         Satua

·         Babad

·         Basita Paribasa (Pralambang)

·         Tutur Usada Wariga

·         Palawakya

·         Carita Cendet (cerpén)

·         Carita Panjang (novel)

·         Lelampahan (drama)

LATIHAN SOAL

 

1.                  Kruna kasusastraan mawit saking kruna….

a.         Susastra

b.         Sastra

c.          Tantra

d.         Tastra

e.         Jantra

 

2.             Kruna sastra maartos….

a.         Kebecikan

b.         Keluwihan

c.          Kaweruhan

d.         Kasucian

e.         Kasidian

 

3.             Karya sastra sane rumasuk kasusastraan Bali Purwa ring sor inggih punika….

a.         Drama, Paribasa, lan Gancaran

b.         Puisi, Satua, lan Babad

c.          Carita cendet, Novel, lan Tembang

d.         Novel, Puisi, lan Satua

e.         Tembang, Satua, lan Paribasa

4.             Karya sastra sane rumasuk kasusastraan Bali Anyar ring sor inggih punika….

a.              Tembang

b.             Drama

c.              Paribasa

d.             Satua

e.              Babad

 

5.             Kasusastraan Bali sane wangunyane kaiket antuk padalingsa kawastanin….

a.              Sekar Agung

b.             Sekar Madia

c.              Sekar Alit

d.             Sekar Rare

e.              Sekar Jepun

 

6.             Kasusastraan Bali sane wangunyane kaiket antuk guru lan lagu kawastanin….

a.              Sekar Agung

b.             Sekar Madia

c.              Sekar Alit

d.             Sekar Rare

e.              Sekar Jepun

 

 

7.             Karya sastra sane kadasarin antuk metrum kawastanin….

a.              Sekar Rare

b.             Sekar Alit

c.              Sekar Madia

d.             Sekar Agung

e.              Sekar Sandat

 

8.             Karya sastra sane rumasuk ring karya sastra tutur/lisan ring sor inggih punika….

a.              Drama

b.             Puisi

c.              Paribasa

d.             Palawakya

e.              Babad

 

9.                  Karya sastra sane rumasuk ring karya sastra sasuratan/tulisan ring sor inggih punika….

a.              Satua, Palawakya, lan Babad

b.             Paribasa, Drama, lan Puisi

c.              Tembang, Babad, lan Satua

d.             Gancaran, Drama, lan Babad

e.              Gancaran, Satua, lan Paribasa

 

10.              Karya sastra sane kaangen rikala ngarumrum anak alit mangda ten rewel inggih punika….

a.              Gegendingan

b.             Pupuh

c.              Kidung

d.             Wirama

e.              Palawakya