Kacritayang, I Putu Doglar manyama ajak dadua, ia ngelah rearama kewala memenne suba ngalahin ka gumi wayahe. Ne jani ia ngoyong ajak dadong lan bapanne lan adinne. Ia sujatinne anak duweg kewala sukat memene tusing enu tusing pesan runguanga teken Bapanne. Ia kalahinne ajak memenne dugas ia kelas 1 SMP .
Katuturang satua enggal, ne jani I Putu dogler suba masuk SMK Negeri kaasukang olih Bapanne.
Ne jani tuturang makejang sekolah murid-muridne tusing ada masuk sekolah krana ada sakit gede ane madan covid. Murid-muride semeter awal suba maan kelas lan pada masuk maan jadwal daring. Indik pangajah-ajah guru makejang online ada ane nganggo latop ada masih ane nganggo hp. Srana media online ne jani suba pada canggih-canggih pesan anggone teken gurune maang muride ajah, ada nanggo google clasroom, ada zoom meeting, ada padlet,Wa Group, Telegram edmodo, lms muah ane lianan.
Duang dina suba muride suba masuk online, I Putu Dogler tonden taen absen online apa buin masuk group Kelas lan google clasroom. Waline di sekolah ne jani di SMK madan Pak Made Escmart. Kanti paling waline ngubungin no hp uli massuk pendaftaran tusing nyambung-nyambung teken reramanne. Buin maninne lantas mara ada pemberitauan ke hp waline “no hp puniki sampun aktif”, dadosne waline ngubungin punika reramane tur nyambung. Sasubane orine teken pk made, reramane mara maang no hp nak cenikne lan mara nyidaang I Putu Dogler masuk group Kelas. Di tu masih pak made nelpon I Putu Dogler apang masuk Google Clasroom soang-soang pelajaran di sekolahne.
Jani suba masih I Putu Dogler masuk google clasroom, duang bulan majalan ia rajin gati ngabsen kewala liu tugas tugas tusing pragat bane ngae alias tusing nyetor ke gurune. Undukke totonan mara katawang olih walinne disubane guru bidang study mara ngorahang paindikan I Putu Dogler. Pragat suba kanti wali kelasne ubeke teken makejang gurune, ditu lantas I Putu dogler kapanggil menghadap kasekolah ajak reramane. Waline lantas matakon apa sujatine ne ngranang I Putu Dogler buka kene?, masaut lantas reramane I Putu Dogler, “Ampura pk niki titiang nue pianak ten dados orin, sampun melid titiang matakon indik tugas-tugas sekolah, ipun nyawis sampun kenten. Kaden titiang nenten kadi puniki”. Waline napenin “Inggih pk”, lantas matakon ken I Putu Dogler,” nak kenken kenenan adanne tu dadi-dadiati tu bogbog ken rerame, tu sing dadi kene alpaka guru adanne. Ne jani pk matakon, tu ada keneh masuk di smk dini sing?, mirib ada ne len ngranang tu sing nage tugas?. Lantas I Putu Dogler masaut” wenten pk, titiang dot kari masuk, ampura niki pk titiang dugas niki kadung asik maplayan jak timpal-timplae, minggu mangkin titiang cicil tugas nika!”. Lantur waline negesang,”Nah yan suba sumeken kenehe masuk lan malajah uling jani tu susul tugas-tugase totonan. Ne jani tu ngoyong di sekolah, komputer sekolahne jani anggo pang aluhan magae ne jani, buin mani di saget tu sing ada kuota kasekolah doen ngalih wifi pang pgragat tugase!”. Inggih pk, siaga nika,keto pasautne I Putu Dogler.
Di subane keto lantas kaline teken reramane mulih lan I Putu Dogler kauratiang ngae tugas neked jam pelajahine suud.
Buin telunne wali kelasne ngubungin I Putu Dogler buin kanti ping 20 ngubungin tusing nyambung-nyambung ked reramane, wireh ada ne masih tugas ane nen kasetor. Jeg kanti ngruyuk pedih waline, I putu Dogler sing satya ken janji. Lantas kiriminne sms reramanne lan I Putu Dogler. “ mun cara kene doen Putu Dogler tusing mragatang tugas sinah tusing kel maan nilai, bisa-bisa suba bakal tusing naek kelas”, ne jani indih buin mani harus suba pragat tuagase makejang!”.
Mani semenganne I Putu Dogler hubungin nakonang wifi sekolah, krana telah paketanne tusing nyidang bapanne meliang paket data. Ditu waline mapiteket ajak tu Dogler! “ Tu kan suba pk ngorin mun sing ada kuota kasekolah doen nganggo wifi sekolah, mun batawang sing ngelah kuota langsung doen kasekolah cara kene kan demen pk ningalin tu seleg malajah. Mani puan yan suba tu seleg malajah, ngae tugas duwege lan rajinne pasti to kel mabuah luung, luung tu maan nilai, makejang pada kedel ningalin. Yan tu sing nage tugas sinah tu kel ngaba kajelekanne. Inget to nah tu!”, “Inggih Pk” , ket pasautne I Putu dogler! Unduk ne jani I Putu Dogler suba mragatang makejang tugas-tugasne kanti suba rapotan semester I.
0 Komentar