TERIMAKASIH SUDAH MANGUNJUNGI BLOG JULDWIPAESCMART, JULDWIPAESCMART TEMPAT BERBAGI MATERI BAHASA BALI SERTA BERBAGAI INFORMASI FOREX , MODEL/STRATEGI PEMBELAJARAN, KARYA ILMIAH,TIPS, APLIKASI SERTA PENGALAMAN HIDUP PENULIS.
ORTI BALI
BENCANAALAM SAYAN SERING NIBENIN BALI
Sujatinē saking dumun Bali ngranjing daērah sanē sering katibēn bencana. Indik
punika kaangkenin olih Ketua Tim Peneliti Potēnsi Bencana Alam ring Bali saking
kampus Universitas Udayana, Drs. R. Suyarto, wēnten kalih indik utama sanē
ngawinang Bali maduē potēnsi keni bencana blabar lan longsor.kapertama,
riantukan Bali kawangun antuk proses vulkam
sanē ngawinang tanahnyanē ēlah makeseh. Kaping kalih, topografi alam Bali
akēhan tegeh-endep, majurang-jurang marupa pangkung. Terjalnyanē tanah Bali 20 kantos 60derajat. Punika
mawinan, manut Suyarto, antuk kawēntenan punika, yēning wēnten ujan bales,
pastika wēnten bancana longsor. Ring
daērah dataran rendah wēnten blabar.
Suyarto
nyinahang makudang-makudang genah sanē sering longsor, sakadi Kintamani
(Bangli), Pētang (Badung), Tegalalang lan Payangan (Gianyar), Kubu, Rendang,
lan Abang (Karangasem),Pupuan, Baturiti lan Penebel (Tabanan), Gerogak,
Busungbiu, Sukasada lan Seririt (Buleleng), miwah Mendoyo (Jembrana). Longsoran
tanah punika prasida nibēnin, manut skretaris Pusat Penelitian Lingkungan Hidup
(PPLH) Universitas Udayana, Dr. Ir. I Wayan Sandi Adnyana, M.Si, riantukan
mangkin daērah-daērah ulu lan bukit-bukit akēh sanē karabas ngantos gundul.
Lianan karabasnyanē alas riantukan kaanggē utsaha sanē tiosan utawi alih fungsi
lahan. Sandi Adnyana nlatarang conto, dumun wewidangan Plaga akēh katandurin
kopi. Tetaneman kopi punike magentos antuk tetaneman palawija, sayur-sayuran
sanē nēnten maduē akah sakadi kopi. Pagentos tetaneman ngawinang longsor sayan
sering nibenin wewidangan punika. Indik sanē pateh taler nibenin wewidangan
Bedugul, Buyan, Baturiti sanē dados wewidangan pertanian sayur-sayuran mangkin.
Longsoran punika sering
ngawinang bencana marupa kerugian material sakadi paumahan lan kajangkepannyanē
utawi alam sekadi dumun, indik punika nēnten pacang nibenin. Conto, katahnyanē
tetaneman ring tanah sanē miring utawi abing. Sakewenten riantukan kawēntenan
tanah sanē alon-alon makēsēran, ring punika maartos wewidangan punika maduē
potensi longsor. Tiosan punika, manut Rusna, yēning wēnten engkagan-engkagan
tanah ringabing bukit, lan wenten toya membah ring engkagan punika, patut
kawaspadain. Yēning wēnten ujan bales, prasida ngawinang longsor, iraga patut
tragia, nēnten wantah longsor, blabar taler sering ngawinang kerugian
sanēmageng ngantos ngawinang kramanē padem. Majeng wewidangan Bali utara,
Suyarto makēlingin mabuat pisan mangda kramanē yatna tur waspada santukan
nganutin indik geografisdatarannyanē cupit. Wates pantaraning gunung lan pasisi
cendek, sawatara 1-6 km. blabar ring wewidangan punika biasanē suluk. Daērah
sanē maduē potensi sering keni blabar, makatah tigang kecamatan. Makatiga
kecamatan punika manut Suyarto, minakadi Denpasar Selatan (Denpasar)
jimbarnyanē ngantos 4.092,03 ha, Kecamatan Negara (Jembrana) jimbarnyanē 3.280,14
ha, lan Kecamatan Kuta (Badung) sanē keni blabar ngantos majimbar 1.507,86 ha.
Indik angin nglinus, Laporan Akhir Study Identifikasi Potēnsi Bencana Alam ring
provinsi Bali sanē kakaryanin olih tim saking PPLH Bali nlatarang daērah sanē
sering maduē potensi keni ring Bali ngantosjimbarnyanē 151.835,49 ha. Petang
kecamatan sanē akeh keni angin nglinus inggih punika Kecamatan Nusa Penida
(Klungkung) jimbarnyanē 20.661,1 ha, Kecamatan Selamadeg (Tabanan) kantos
11.678,31 ha, Kecamatan Mendoyo (Jembrana) jimbarnyanē 11.208,78 ha lan
Kecamatan Kuta Selatan (Badung) ngantos 9.830,97 ha. Nyantenag kawentenan
sakadi punika, Sandi Adnyana ngaptiang mangda pemerintah lan kramanē sinarengan
taat ring indik tata ruang manut sane sampun kacumpuang. Yēning nēnten wēnten
sikap tegas, bencana-bencana blabar lan longsor.
indayang tampenin pitaken ring sor!
1. Napi murdan orti sane kawacen?
2. Kawangun antuk kudang paragraph orti punika?
3. Napi tetuek kamedalang orti ring ajeng ?
4. Ring dija genah panglimbaknyane orti ring ajeng?
5.
Napi pikobet orti punika?
