"Me dek kemerantau ke kota nah me" keto Dek Agus ngorahang jak memenne. Memene masaut"Men jak nyen marantau lan dija kel ngoyong dek? "Nen tawang me, kenalan onen masih ada, kewala sing kenapa me, dek kel mautsaha ditu" keto dek agus greget maorahang jak memenne. "Men suba to uling keneh dek, meme tuah bisa ngastitiang dek,Men pidan kel dek brangkat? Keto memenne ngomong tur masemu sedih. masaut Dek Agus "Mani semeng me, pang ngidang lagsung ngalih gae ditu di kota men jani minggu sinah kantor-kantore tutup apa buin perusahanne gede-gede.
Dek Agus manyama jakka tetelu, ia ngelah imbok jak bli, ia ngoyong di Desa ne joh pesan ajak kota, kuang lebih yan kekota ada sawatara 4 jam makelonne yan ngaba mobil.
Sasubane banga ajak memenne luas ka kota lantas Dek Agus madabdaban kakamarne pang lasia buin manine semeng brangkat. Memenne sebet pesan bakal kalianne marantau ajak panakne.
Pates memenne sebet pesan kenehne, krana suba makelo ajakka, apa buin imbok jak bline suba nganten lan nongos di Desa lenan lan kapah eling nengokin memenne. Kewala memenne tusing ngelarang dek agus. Memenne kadi rasa tau ken unduk, yan hidup de Desa suba pasti bakal tetep dadi petani cara Dewahyang bapanne. Lan dek joni dot pesan sukses di Kota.
Buin mani semengne Memenne nuju kekamar dek agus ngorin madaran malu bareng, lan suud madaran bareng memene lantas ngomong" Dek ne ada bekel bedik anggo bekel di tu mani puan di kota",Dek agus masaut suksma me dek nu ada bekel, anggo meme jumah malu nah me, buina pidan kaden dek ngidang ngirimin meme pipis, Sing engken dek aba doen ne, apa buin dek ditu onen ngelah timpal lan tongos ngoyong apa buin magae masih tonden, jeg aba te dek, dek de mikir malu apa-apa apa buin men suba magae mun sing ngidang ngirimin pipis sing engken, eme enu ada sisan bekel ne tampi meme ajak Dewahyang bapan dek" Keto memenne ngorahang jak dek agus.
Memene dek agus ngelah abian ne tampiine jak bapane tuah ada duang tebih, nah batek cukup makan jak dua dogen. Ento ngranang dek agus greget marantau apang ngidang madan ngelah ekonomi ane luwungan lan magiang memenne. Suud madaaran lantas dek agus mapamit ajak memenne.
"Nah Me, dek ngidih pangastiti meme pang dek ngidang sukses di kota lan yan suba dek mani magae, maan gajih sinah ada ne kiriamang dek ke meme" keto dek agus maorahan tur paliatne makaca-kaca.
Memene ngelut dek agus sambil nrestesang yeh mata tur ngomong " Nah dek, adeng-adeng abete lan inget pabesen meme, da dek sanget mikir meme malu, melahang dek ngaba raga, ditu dek apang bisa ngandap kasor seleg magae, eda dek nuut pajalan timpal ane boya-boya patilesang ragane awak tusing ngelah apa".
Cutetang satua satua sasubane Dek Agus brangkat menek bus kakota ia negak disampng anak ane onden tawangan, lantas ia makanalan tur saling takonin, adanne ane ajakka negak Wayan kaler ia uli Desa masih kawala len kacamatan ajak Dek Agus. Iwayan kaler kekota bakal balik magae wireh suba aminggu ngalih libur ulian ada upcara di kampungge. Ditu Dek Agus ngorahang jak yan kaler ia kakota bakal ngalih gae. Yan kaler ngomong " Dek mun di kota magae harus ngelah pengalaman lan paling bedik suba harus sarjana cara janine, mun dek sarjana di kota jeg aluh ngalih gae apa buin dek ngelah skill" Oooh keto to, jeg suksma ne pak yan, kewala ngidih pitresnan pk yanne di saget mani puan ada gae ne sing nganggo izajah sarjana orahin nah pk yan"!
keto dek agus maorahan lan saling tukaran no hp.
---
0 Komentar