TERIMAKASIH SUDAH MANGUNJUNGI BLOG JULDWIPAESCMART, JULDWIPAESCMART TEMPAT BERBAGI MATERI BAHASA BALI SERTA BERBAGAI INFORMASI FOREX ,MODEL/STRATEGI PEMBELAJARAN, KARYA ILMIAH,TIPS, APLIKASI SERTA PENGALAMAN HIDUP PENULIS.
 |
| PUPUTAN KLUNGKUNG |
1.
PUPUTAN KLUNGKUNG
Patungkas pantaraning Raja Klungkung sareng Wlanda
kakawitin antuk pikobet ring indik candu.
Pemerintah Wlandane ngaptiang mangda candu punika
makasami kawasa-wasi olih Wlanda. Indike punika nenten
kacumponin olih Raja Klungkung. Krama Klungkunge kantun ngadol candu inucap. Mangdane prasida
nepasin pikobet puniki, Wlanda nyansan nitenin parilaksanan kramane.
Wlandane tuges pisan niwakang pamidanda ring kramane
sane piwal. Parilaksanan Wlandane puniki katampenin nenten
becik olih Krama Klungkunge, saha katah sane narka Wlandane loba. Kramane sane
duka ngawinang Letnan Hare Maker karejek tur kapademang.
Kahanan puniki ngawinang Wlandane taler duka. I rika
raris ipun ngutus wadua mangda ngrejek jagat Klungkunge.
Nampenin kawentenane puniki, wadua Klungkung taler morbor genah panyimpenan candu
sane kadruenang olih Wlandane. Rasa brangti saking Wlanda nyansan ngagengang, mawastu
raris nitahang mangda Raja Klungkung nyerahang kadatuan nenten langkungan ring
arahina. Indike punika nenten katampenin olih Raja Klungkung. Indike puniki
raris sane
ngawinang ring tanggal 26 April 1908 Wlandane raris ngutus waduannyane ngrejek
Klungkung.
Wadua Klungkung kamanggalain olih raja saha
kulawarganidane ngarepin pangrejek punika. Sakewanten, wadua
Wlandane nganggen sanjata sane luih utama mawinan prasida jaya ring payudan. Sakasiki
raris wadua Klungkunge prasida kakasorang yadiastun sampun mautsaha mabela ring Kadatuan
Klungkung. Payudan puniki raris ketah kasengguh Puputan Klungkung.
0 Komentar