NGUNINGIN WASTAN TIOS ANGGA SARIRA

SIRAH  BASA ALUSNYANE           = DUUR, PRABUSA

USEHAN                                       = USER

LENGAR                                       = SULAH

UBAN                                            = DAWALYA

KUTU                                            = PEPETAN

KEBUN                                         = KEPUR

PABAN                                         = SIWA DWARA

MUA                                             = PRERAI

SRINATA/SEMI                             = PETITIS

GIDAT                                          = RAI,LELATA

ALIS                                             = RARIK, SIRATMAYA, WIMBA

PEPELENGAN                             =  PEPILIS

MATA, PANINGALAN                    = PENYINGAKAN, PANGAKSIAN, PANYURYANAN,

BULUN MATA                               = RINGRING

YEH MATA                                   = TOYAN  PANON

PECEH                                        = PAPELIS

PIPI                                             = PENGARASAN

CUNGUH                                     = IRUNG, UNGASAN

TENGES                                     = ELED

BUNGUT                                     = CANGKEM, MOMON

BIBIH                                          = LAMBE

ISIT                                             = LATI

GIGI                                            = UNTU

CALING                                      = SIUNG

PANGGAL                                  =  BEHER

PAOS                                         = BELES, WIDUH

LAYAH                                        =ILAT, LIDAH

GENYIN GIGI                               = SII

JAGUT                                         = LELENTEK

KUMIS                                         = CERAWIS

JENGGOT                                    = RAWE

KALES                                         = BERIS

DAKIN KUPING                             = TILU, KILU

ANGKIHAN                                   = ANGSENGAN

GETIH                                           = RAH

TULANG                                       = GALIH

ISI                                                = DAGING

KULIT                                           = CARMA

DAKI                                            = OMEL

UAT                                              = URAT, OTOT

AWAK                                          = ANGGA

BAONG                                        = KANTA

PALA                                           = BAHU

TUNDUN                                      = GIGIR

TANGKAH                                    = WAKSA, GIGIR

NYONYO                                      = CECEPAN, SUSU, PAYUDARA

SIPAH                                           = PASANGKLEPAN, CAKEPAN APITAN, PANYANGGLAKAN

ULUN ATI                                      = ULUN ANGEN

BASANG                                       = WADUK

PUNGSED                                    = PUSER, UDEL

PLIYOK                                         = LAMBUNG

BANGKIANG                                 = MADIA

BOKONGAN                                  = WANGKONG

JIT                                                 = SILIT

SISIKAN                                        = UYUH-UYUH

PIKANG                                         = PIAH

LIMA                                             = TANGAN

LENGEN                                        = LUNGAYAN

SIKU                                              = LENTUK, KONA

PAGELANGAN                               = PAPINGGEL

TELAPAKAN LIMA                         = TAPAK TANGAN, KANA TANGAN

JRIJI                                              = GULI, PURNAWA

KUKU                                            = NAKA

ENCEH                                         = WARIH, BANYU

TAI                                                = BACIN, KORATAN

BATIS, BUNTUT                             = COKOR

PAA                                              = PUPU

ENTUD                                           = JEJENGKU, LENTUR

BETEKAN BATIS                            = LANGSANG

BULU                                             = RAMBUT

TELAPAK BATIS                             =TAPAK COKOR

ENTUT                                           = AMBRU

NYALI                                            = AMPRU

Sumber-anggah-ungguhing basa Bali

Materi bahasa inggris: Every day feels the same (bored) 13 agustus 2019

Materi bahasa inggris: Every day feels the same (bored) 13 agustus 2019: A life without boredom… …is a life pursued with purpose. It doesn’t really matter what your purpose is, so long as you can find one. ...

Wacana nyonya intai

(wacana Nyonya Intai)

Kacritayang wenten sengke pangkat mayor magenah ring Waciu Negari, madue pianak mawasta Nyonya Ingtai sane sampun munggah truni utawi menek bajang. Nyonya Ingtai mamanah jagi masekolah ring Angciu Negari, raris nunas mapamit sareng biang ajine. Nenten pisan kaicen sareng biang ajine, sakewanten Nyonya Ingtai pisereng pisan manahnyane jagi  malajahang raga nenten prasida biang ajine ngandeg wiadin ngelarang pangacep pianaknyane. Raris Nyonya Ingtai mamargi saha nyineb raga mabusana utawi mapayas sekadi anak lanang. Rauh ring tengahin margi raris mapanggih raris pateh ring Nyonya Ingtai jagi masekolah ka Angciu Negari. Irika raris sareng kalih mapinta tangan saha sami nyihnayang raga tur sampun ngiket pasawitran masumpah ala ayu bareng mati. Wacana puniki kaketus saking Gaguritan Sampik Ingtai….

CONTOH PRANGKAT PEERTEACHING PPG DALJAB ANGKATAN II 2021

OM SWASTIASTU

PUJI SYUKUR KAHADIRAN TUHAN, SAYA BISA BERBAGI ATAS PENGAALAMAN SAYA, SEMOGA BERMANFAAT DAN MOHON JUGA RIVIEW SETELAH DOWLOAD LINK CONTOH PRANGKAT  PEMBLAJARAN PPG DALJAB ANGKATAN II.

JANGAN LUPA FOLLOW DAN SHARE SERTA KOMEN YA! TERIMAKASIH

https://drive.google.com/drive/folders/1P-KohdpoCjDvjUJ5AE89BRijrhP_Lbn4?usp=sharing

PIDARTA NGELESTARIANG BASA BALI

Om Swastyastu

Ida adané sareng sami sané wangiang titiang, Ring galahé sané becik kadi mangkin puniki, pinih ajeng tan lali titiang ngaturang rasa angayu bagia mantuka ring Ida Hyang Parama Kawi, riantukan sangkaning asung kerta wara nugrahan Ida, titiang, asapunika taler Ida dané sareng sami sida kasidan mapupul iriki, ngamiletin saparidabdab utsawa pidarta basa Bali, sané kalaksanayang antuk Kantor Perpustakaan Daerah Provinsi Bali rahinané mangkin. Dumadak pamargi asapuniki sida maka sarana ngalimbakang adat miwah budaya Bali wekasan, wastu sida jagat Baliné ajeg.

Ida dané sareng sami, patut pisan kapastikayang, mungguing pamargi utsawa pidarta basa Bali rahinané mangkin puniki, madaging makudang-kudang pabuat sané dahat mautama pisan, pamekas ring para yowana Baliné kapungkur wekas. Pawangunan pawongan sakadi mangkiné kabaos Sumber Daya Manusia (SDM) banget pisan kautamayang ri sajroning nyanggra pawangunan jagat Baliné, sané ngulatiang paras-paros saha salung-lung sabayantaka matiti krama. Malarapan antuk semangat reformasi iraga para yowana sareng sami, sampun ngamargiang silih tunggil tata titi sané kabuatang, maka swadharma sané marupa kapatutan urip maka krama Bali.

Punika mahawinan ida dané sareng sami, pamargi utsawa pidarta puniki, siosan ring maka bantang numbuhang wirasa ring para yowanané, utamin nyane pisan ring para sisya sami, taler marupa titi pangancan ring para yowana Baliné rikala nabdabang pawangunané kapungkur wekas. Antuk punika, mungguing bantang pidarta sané sampun kajantenang nganinin indik “Melalui budaya baca kita tumbuhkan kecintaan terhadap budaya lokal”. Malarapan antuk bantang punika, pidarta sané jaga atur uningayang titiang mamurda NGELESTARIANG BASA BALI.

Ida dané, maosang indik perpustakaan ring galahé puniki, boya ja marupa bebaosan sané anyar. Napi mahawinan asapunika? Riantukan iraga para sisya, ngeninin indik perpustakaan punika, yan inargamayang tan bina kadi sampun masikian ring kauripan iraga, duaning ring sekolah-sekolah sami sampun maduwé perpustakaan. Sakéwanten kawéntenannyané patut polih panampén becik saking iraga sareng sami. Duaning asapunika, ngiring uningin dumun napi sujatiné perpustakaan punika? tur napi suksman ipun rikala ngawerdiang utawi numbuhang kecintaan terhadap budaya lokal, pamekas nyané pisan ring kawéntenan basa Baliné?

Ida dané sareng sami, Utsawa pidarta puniki yukti-yukti banget mapituas. Iraga sareng sami sampun uning, widya sastra sané kaucap ilmu pengetahuan miwah teknologi, marupa sanjata kalintang utama, sané sida ngaonang awidya punika, sané dados prekantin sang madéwék tiwas. Sakéwanten iraga sami durung sengeh, punika sami kasinahané majanten wit sangkaning perpustakaan. Napi mahawinan asapunika ida dané sami? riantukan perpustakaan punika, marupa genah nyimpen buku-buku, surat kabar, foto-foto, miwah dokumen-dokumen tiosan sané marupa wiwitan kaweruhané sujati.

Pewangunan Sumber Daya Manusia ring aab globalisasi, majanten kagenahang pinih ajeng pisan, yan tan asapunika sinah iraga pacang katetah antuk panglimbak jagat, uripé tan mapuara rahayu sangkaning tambeté mapunya. Wangsa luih guna marupa wangsa sané sida ngalintangin tetenger jagat. Silih tunggil sané sida nuntun, tan sios wantah kaweruhané punika, bilih-bilih ring kawéntenan yowanané sami. Riantukan ring para yowana kasinanggeh maka genah petitis pawangunan jagaté, sida tan sida becik kaoné punika, majenten sangkaning yowana pamekas.

Nabdabang para yowana mangda sida becik, patut kadagingin antuk kaweruhan. Ring panegara sané sampun maju, pawangunan generasi mudané kautamayang pisan antuk ngulati kaweruhan, napi malih kaweruhan punika tan sios maka bobotan jatma urip sané marupa patitis ngulati santa jagadhita. Ida dané sareng sami, Masa muda adalah masa belajar, asapunika ketah mangkiné, puniki masuksma iraga sareng sami para sisya, mangda gilik saguluk nelebang kaweruhan. Mapan urip masarira manusa, tan bina luir petapan ambengan, ring sajroning alit, wimuda kadi mangkin, kabaos mengpeng tajep, mangan ngidepang sahananing widya sastra. Pamekas mangda sida nemu gelang manut bacakan brahmacari asramané, sané sida kaanggén ngempu uripé kapungkur wekas. Indiké puniki ageng pisan pikenoh nyané ri kala nyanggra pawangunan jagaté sané kaulati, pamekas rikala ngelestariang basa Bali druwéné.

Napi mawinan iraga sareng sami patut ngelestariang basa Bali? Riantukan basa Bali punika marupa srana ri kala mabebaosan ring pantaraning krama Bali, sané kabaos basa Ibu. Sios ring punika, basa Bali merupa sinalih tunggil maka pawilangan budaya Bali, sané dados srana ri kalaning ngawerdiang pamargi adat miwah agama Hinduné ring Bali. Basa Bali puniki taler marupa tetamian para panglingsiré saking nguni. Duaning malarapan antuk kayun mabasa Bali, napi malih sida manut sor-singgih basan ipun, punika dahat mautama pisan, waluya pratingkah nyihnayang bhoga jagat Baliné, kamanggala antuk para guru sami miwah sang angawa rat maka Guru Wisésa. Punika sané patut ngajegang, maserana antuk kayun lascarya tan paleteh.

4. Indik pamarginé ngelestariang basa Bali, tan mari mawiwéka antuk kapatutan. Asing-asing sané ngawetuang paras-paros, sagilik-saguluk salunglung sabayantaka, manut swadharmaning dados sisya, patut utamayang mangda tan kaicalan cihna kadi anak Bali, kadi mangkiné kabaos jati diri kebalian orang Bali.

Ida dané sareng sami sané kusumayang titiang, Wantah asapunika mungguing atur pidartan titiang, mogi-mogi wénten pikenoh ipun. Tios ring punika, titiang tan lali ngalungsur agung rena pangampura, manawi wénten maka kirang-kirang ipun. Maka wesananing atur puputang titiang antuk parama santi.

Om Santih Santih Santih Om