Dudonan (Bagian) basa Baliné pateh sakadi ring bahasa Indonesia luiripun:
Dudonan basa Baliné pateh sakadi ring bahasa Indonesia luiripun:
Aksara tegesipun gambar suara utawi lambang suara (gambar bunyi). Aksara punika wénten kalih soroh minakadi Aksara Suara miwah Aksara Wianjana (Vokal miwah Konsonan).
Basa Baliné punika lumbrah kasurat antuk kalih aksara luwiré aksara Latin miwah aksara
Bali.
Wanda tegesipun marupa kepahan saking kruna inggian ri sajeroning kruna lingga utawi
kruna tiron. Dadosné wanda punika marupa pupulan saking makudang-kudang aksara sané
pinaka serana ngwangun kruna. Tiosan ring punika wénten taler wanda sané marupa kruna
lingga sekadi “nah”, “dé,” “nyén”, “ba”, “sing”, “nyak” miwah sané lianan.
Kruna tegesipun pupulan saking makudang-kudang kecap utawi wanda sané sampun
maduwé arti. Kruna punika wénten sané awanda, wénten taler sané kawangun antuk makudang-kudang wanda, minakadi :
✓ Kruna awanda: sing, nyak, cang, ba,nah, miwah sané lianan.
✓ Kruna kalih wanda: meja, ani,suba,mata, jaja.sela,buku,baju, msl
✓Tigang Wanda: bendera,sepatu,celana, jendela, kemeja, semangka, celana,buaya,telaga,miwah sané tiosan
✓ Kruna petang wanda: liligundi, katibangbung, kalimayah, miwah sané tiosan
✓ Kruna limang wanda: katimimbulan, katiwawalan, katibubuan , miwah sané tiosan
Lengkara inggih punika pupulan saking makudang-kudang kruna sané sampun madué
lelintihan pepaosan sané pasti. Lelintihan sané ngwangun lengkara punika sekadi:
a. Puguhing lengkara/Jejering lengkara
b. Piorah/ linging lengkara
c. Penandang/ penampén lengkara
d. Keterangan:
• Keterangan genah
• Keterangan dauh
• Keterangan kahanan
• Keterangan wilangan
0 Komentar